டிட்வா புயல்: இலங்கையில் 123 பேர் உயிரிழப்பு! | Cyclone Ditwah |

மேலும் 130 பேரைக் காணவில்லை என இலங்கை பேரிடர் மேலாண்மை மையம் தெரிவித்துள்ளது.
"27 tons of relief delivered to Sri Lanka, more on the way," says EAM Jaishankar amid Cyclone Ditwah relief push
இலங்கைக்கு இந்தியா அனுப்பி வைத்த உதவிப் பொருள்கள்.
1 min read

டிட்வா புயல் எதிரொலியால் இலங்கையில் பெய்த வரலாறு காணாத மழை மற்றும் நிலச்சரிவு காரணமாக இதுவரை 123 பேர் உயிரிழந்துள்ளதாக பேரிடர் மேலாண்மை மையம் அறிவித்துள்ளது.

இலங்கையில் டிட்வா புயல் மிகப் பெரிய அளவில் தாக்கத்தை ஏற்படுத்தியுள்ளது. வங்கக் கடலில் உருவான டிட்வா புயல் இலங்கையைக் கடந்து தமிழகக் கடலோரப் பகுதிகளை ஒட்டி நகர்ந்து வருகிறது. ஞாயிறு மாலை வரை தமிழகக் கடலோரப் பகுதிகளை ஒட்டி புயல் நகரவுள்ளதாகத் தகவல் வெளியாகியுள்ளது.

இந்தப் புயலானது கடந்த புதன்கிழமை இலங்கையைத் தொட்டாலும், திங்கள்கிழமை முதலே மழைப் பாதிப்புகளை ஏற்படுத்தத் தொடங்கிவிட்டது.

இலங்கையின் பேரிடர் மேலாண்மை மையத்தின் இயக்குநர் ஜெனரல் சம்பத் செய்தியாளர்களிடம் கூறியதாவது:

"இதுவரை 123 பேர் உயிரிழந்துள்ளார்கள். மேலும் 130 பேரைக் காணவில்லை. மீட்புப் பணிகள் தொடர்ந்து நடைபெற்று வருகின்றன. ஒருவார காலமாகப் பெய்த மழை காரணமாகப் பலர் வீடுகளை இழந்துள்ளார்கள். 43,995 பேர் அரசின் மீட்பு முகாம்களில் தங்க வைக்கப்பட்டுள்ளார்கள்.

வானிலை நிகழ்வானது தற்போது இலங்கையைவிட்டு விலகி இந்தியாவை நோக்கி நகர்கிறது. இருந்தபோதிலும், அது மிகப்பெரிய சேதத்தை ஏற்படுத்திச் சென்றுவிட்டது. ராணுவப் படையின் உதவியுடன் மீட்புப் பணிகள் நடைபெற்று வருகின்றன" என்றார்.

அதி கனமழை காரணமாக தாழ்வான பாதிப்புகளில் வெள்ளப் பாதிப்புகள் சனிக்கிழமை நிலவரப்படி மிக மோசமடைந்துள்ளதாகச் செய்திகள் வெளியாகின்றன. இலங்கையில் தற்போது பெரும்பாலான பகுதிகளில் மழையின் தீவிரம் குறைந்துள்ளது. வடக்குப் பகுதியில் மட்டும் புயலின் தாக்கம் இன்னும் இருந்து வருகிறது.

இலங்கைக்குத் தேவையான பொருள்களை இந்தியா விமானம் மூலம் அனுப்பிவைத்ததாக அந்நாட்டு அதிகாரிகள் தெரிவித்துள்ளார்கள். பிரதமர் நரேந்திர மோடியும் மழை வெள்ளப் பாதிப்பில் உயிரிழந்தவர்களுக்கு இரங்கல் தெரிவித்துள்ளார்கள்.

Summary

Cyclone Ditwah unleashed severe destruction across Sri Lanka, leaving at least 123 people dead and triggering widespread flooding.

Cyclone Ditwah | Ditwah Cyclone | Cyclonic Storm Ditwah | Red Alert | Orange Alert | Yellow Alert | Heavy Rain | Chennai Rains | Chennai Rain | Srilanka |

Related Stories

No stories found.
logo
Kizhakku News
kizhakkunews.in