ரஷ்யாவின் புதிய அதிபராக விளாடிமிர் புடின் பதவியேற்றுள்ளார்.
ரஷியாவின் புதிய அதிபரை தேர்வு செய்வதற்கான தேர்தல் கடந்த மார்ச் மாதம் நடைபெற்றது. இந்த தேர்தலில் வெற்றி பெற்று ரஷியாவின் அதிபராக 5-வது முறை புடின் நேற்று பதவியேற்றுக் கொண்டார்.
இந்த தேர்தலில் 88 சதவீத ஓட்டுகளை பெற்று விளாடிமிர் புடின் வெற்றிப்பெற்றார். தொடர்ச்சியாக 3-வது முறையாக அதிபர் தேர்தலில் புடின் மாபெரும் வெற்றி பெற்றுள்ளார்.
1999 முதல் செயல் அதிபராக பதவியேற்ற புடின், 2000-ம் ஆண்டு மே 7 அன்று முதல் முறையாக அதிபராக பொறுப்பேற்றார். 2008 வரை பதவியில் இருந்த இவர், இதன் பிறகு 2012 மே மாதம் முதல் தற்போது வரை அதிபராக நீடிக்கிறார்.
இந்த தேர்தலில் வெற்றிப்பெற்றதன் மூலம் இன்னும் 6 ஆண்டுகள் அவர் அதிபராக நீடிப்பார்.
