மதுரை மீனாட்சியம்மன் கோயில் சித்திரைத் திருவிழா கொடியேற்றத்துடன் தொடக்கம்

உலகப் புகழ்பெற்ற மதுரை மீனாட்சியம்மன் கோயில் சித்திரைத் திருவிழா இன்று காலை கொடியேற்றத்துடன் தொடங்கியது.

ஏப்ரல் 23 வரை நடைபெறும் சித்திரைத் திருவிழாவின் முக்கிய நிகழ்வுகளாக ஏப்ரல் 19-ல் பட்டாபிஷேகமும், ஏப்ரல் 20-ல் திக்விஜயம், ஏப்ரல் 21-ல் மீனாட்சியம்மன் சுந்தரேசுவரர் திருக்கல்யாணம், ஏப்ரல் 22-ல் தேரோட்டம் நடைபெறுகிறது.

கள்ளழகர் ஏப்ரல் 23 அன்று அதிகாலை வைகையாற்றில் எழுந்தருள்கிறார். திருவிழா நாள்களில் சுவாமியும், அம்மனும் தினசரி காலை மற்றும் மாலை மாசி வீதிகளில் எழுந்தருளவுள்ளன.