தமிழ்நாட்டில் இன்று (அக்டோபர் 26) 11 மாவட்டங்களில் கனமழைக்கு வாய்ப்பு இருப்பதாகக் கருதி வானிலை ஆய்வு மையம் மஞ்சள் நிற எச்சரிக்கை விடுத்துள்ளது.
தமிழ்நாட்டில் அடுத்த மூன்று நாள்களுக்கான மழை எச்சரிக்கை அறிவிப்பை வானிலை ஆய்வு மையம் வெளியிட்டுள்ளது. வங்கக் கடலில் உருவாகவுள்ள மோந்தா புயல் காரணமாக தமிழ்நாட்டில் வடகடலோர மாவட்டங்களில் மழை எந்தளவுக்கு இருக்கும் என்ற கேள்வி இருந்தது.
அக்டோபர் 27 அன்று காலை மோந்தா புயல் உருவாகும் எனக் கணிக்கப்பட்டிருந்தது. ஆனால், முன்கூட்டியே அக்டோபர் 26 அன்று மாலை மோந்தா புயல் உருவாகவுள்ளதாக தற்போது கணிக்கப்பட்டுள்ளது.
இந்நிலையில் தான் அடுத்த மூன்று நாள்களுக்கான மழை எச்சரிக்கை வெளியாகியுள்ளது.
அக்டோபர் 26
சென்னை, திருவள்ளூர், காஞ்சிபுரம், செங்கல்பட்டு, ராணிப்பேட்டை, வேலூர், திருவண்ணாமலை, விழுப்புரம், கள்ளக்குறிச்சி, கடலூர், மயிலாடுதுறை ஆகிய மாவட்டங்களில் கனமழைக்கான மஞ்சள் நிற எச்சரிக்கை விடுக்கப்பட்டுள்ளது.
புதுச்சேரிக்கும் கனமழைக்கான எச்சரிக்கை விடுக்கப்பட்டுள்ளது.
அக்டோபர் 27
சென்னை, திருவள்ளூர், காஞ்சிபுரம், ராணிப்பேட்டை மாவட்டங்களில் மிகக் கனமழைக்கான வாய்ப்பு இருப்பதாகச் சொல்லி ஆரஞ்சு நிற எச்சரிக்கை விடுக்கப்பட்டுள்ளது.
செங்கல்பட்டு, விழுப்புரம் மாவட்டங்களில் கனமழைக்கான மஞ்சள் நிற எச்சரிக்கை விடுக்கப்பட்டுள்ளது. புதுச்சேரியிலும் கனமழைக்கு வாய்ப்பு இருப்பதாகச் சொல்லி மஞ்சள் நிற எச்சரிக்கை கொடுக்கப்பட்டுள்ளது.
அக்டோபர் 28
திருவள்ளூர் மாவட்டத்துக்கு மட்டும் மிகக் கனமழைக்கான ஆரஞ்சு நிற எச்சரிக்கை விடுக்கப்பட்டுள்ளது.
சென்னை, காஞ்சிபுரம், செங்கல்பட்டு, ராணிப்பேட்டை, தென்காசி, கன்னியாகுமரி, திருநெல்வேலி மாவட்ட மலைப் பகுதிகளில் கன மழைக்கான மஞ்சள் நிற எச்சரிக்கை விடுக்கப்பட்டுள்ளது.
Considering the possibility of heavy rainfall in 11 districts of Tamil Nadu today (October 26), the Meteorological Department has issued a yellow alert.
Rain Alert | Red Alert | Yellow Alert | Orange Alert | Chennai Rain | Chennai Rains | Weather Report | Weather Alert | IMD Chennai | RMC Chennai | Bay of Bengal | Low Pressure | Low Pressure Area | Arabian Sea | Andaman Sea | Montha Cyclone | Cyclone Alert | Weather Update | North East Monsoon | Cyclone Montha |
