தங்கம் விலை சவரனுக்கு ரூ. 600 உயர்ந்து, மீண்டும் ரூ. 75 ஆயிரத்தை நெருங்கி வருகிறது.
அண்மையில், தங்கத்தின் விலை படிப்படியாக உயர்ந்து ரூ. 75 ஆயிரத்தைத் தாண்டியது. இது வரலாறு காணாத உச்சம் என்பதால் தங்கம் விலை மக்கள் மத்தியில் பரபரப்பாகப் பேசப்பட்டது.
தங்கம் விலை கடந்த வாரம் ஏற்றத்தாழ்வுடன் காணப்பட்டு வந்தது. வாரத்தின் இறுதி நாளான சனிக்கிழமை சவரனுக்கு ரூ. 1,120 உயர்ந்த தங்கத்தின் விலை, ரூ. 74,320-க்கு விற்பனை ஆனது.
வாரத்தின் முதல் நாளான திங்களன்று பெரிய மாற்றமில்லாமல் தங்கம் விலை சவரனுக்கு ரூ. 40 மட்டுமே உயர்ந்தது. இந்நிலையில், தங்கத்தின் விலை ரூ. 75 ஆயிரத்தை மீண்டும் நெருங்கியுள்ளது. தங்கம் விலை இன்று சவரனுக்கு ரூ. 600 உயர்ந்து ரூ. 74,960-க்கும் ஒரு கிராம் தங்கம் ரூ. 75 உயர்ந்து ரூ. 9,370-க்கும் விற்பனையாகிறது.
Gold Rate | Gold Price | Gold price hike | Gold | Gold rate today | Gold rate Chennai |
