மக்களவைத் தேர்தலுக்கான வாக்கு எண்ணிக்கையில் தமிழ்நாடு, புதுச்சேரியில் உள்ள 40 தொகுதிகளிலும் தற்போதைய நிலவரப்படி திமுக கூட்டணி முன்னிலை பெற்றுள்ளது.
மக்களவைத் தேர்தல் ஏப்ரல் 19 முதல் ஜூன் 1 வரை ஏழு கட்டங்களாக நடைபெற்றது. 96.8 கோடி வாக்காளர்கள் தகுதி வாய்ந்தவர்களாக இருந்த நிலையில், 64.2 கோடி வாக்காளர்கள் வாக்களித்துள்ளதாக இந்திய தலைமைத் தேர்தல் ஆணையர் ராஜீவ் குமார் தெரிவித்தார். தமிழ்நாட்டில் ஒரே கட்டமாக ஏப்ரல் 19-ல் நடைபெற்ற தேர்தலில் 69.72 சதவீத வாக்குகள் பதிவாகின.
ஏழாவது மற்றும் கடைசிக் கட்ட வாக்குப்பதிவு கடந்த சனிக்கிழமை மாலை 6 மணிக்கு நிறைவடைந்தது. இந்த நிலையில், இன்று காலை 8 மணி முதல் வாக்கு எண்ணிக்கை நடைபெற்று வருகிறது.
இந்நிலையில் தமிழ்நாடு, புதுச்சேரியில் உள்ள 40 தொகுதிகளிலும் திமுக கூட்டணி முன்னிலை வகிக்கிறது.
திருச்சி, திண்டுக்கல், நாகப்பட்டிணம், திருப்பூர், சிதம்பரம், கிருஷ்ணகிரி உட்பட 29 தொகுதிகளில் அதிமுக 2-வது இடம் பிடித்துள்ளது. திருப்பூர், சிதம்பரம், கிருஷ்ணகிரி உட்பட 10 தொகுதிகளில் பாஜக 2-வது இடம் பிடித்துள்ளது.
நாகப்பட்டிணம், கிருஷ்ணகிரி ஆகிய தொகுதிகளில் நாம் தமிழர் கட்சி 3-வது இடத்தை பிடித்துள்ளது.
