தமிழ்நாட்டில் மாலை 5 மணி நிலவரப்படி 63.20% வாக்குகள் பதிவாகியுள்ளதாகத் தேர்தல் ஆணையம் அறிவித்துள்ளது.
தமிழ்நாட்டில் உள்ள 39 மக்களவைத் தொகுதிகள் உள்பட 21 மாநிலங்களில் 102 மக்களவைத் தொகுதிகளில் இன்று காலை 7 மணி முதல் வாக்குப்பதிவு தொடங்கி நடைபெற்று வருகிறது. தமிழ்நாட்டில் அரசியல் தலைவர்கள், திரைப் பிரபலங்கள் காலை 7 மணி முதல் ஆர்வத்துடன் வாக்களித்து வருகிறார்கள்.
தமிழ்நாட்டில் மாலை 5 மணி நிலவரப்படி 63.20% வாக்குகள் பதிவாகியுள்ளதாக தமிழ்நாட்டு தலைமைத் தேர்தல் அதிகாரி சத்யபிரதா சாஹூ அறிவித்தார்.
தமிழ்நாட்டில் அதிகபட்ச வாக்குப்பதிவு - தருமபுரி - 67.52%
தமிழ்நாட்டில் குறைந்தபட்ச வாக்குப்பதிவு - தென் சென்னை - 57.04%
விளவங்கோடு சட்டப்பேரவை இடைத்தேர்தலில் மாலை 5 மணி நிலவரப்படி 56.68% வாக்குகள் பதிவு.
புதுச்சேரியில் மாலை 5 மணி நிலவரப்படி 72.85% வாக்குகள் பதிவாகியுள்ளது.
