டிட்வா புயல் எதிரொலியைத் தொடர்ந்து தமிழ்நாட்டில் இன்று (சனிக்கிழமை) 5 மாவட்டங்களுக்கு அதி கனமழைக்கான சிவப்பு நிற எச்சரிக்கை விடுக்கப்பட்டுள்ளது.
வங்கக் கடலில் உருவாகியுள்ள டிட்வா புயல் தற்போது தமிழகக் கடலோரப் பகுதிகளை நெருங்கியுள்ளது. நேற்றிரவு முதல் டெல்டா மாவட்டங்களில் மழையின் தீவிரம் அதிகரிக்கத் தொடங்கிவிட்டதாகச் செய்திகள் வருகின்றன.
டிட்வா புயலானது சென்னையை ஒட்டிய கடலோரப் பகுதியை ஞாயிறு மாலை அடையும் என சுயாதீன வானிலை ஆய்வாளர் பிரதீப் ஜான் கணித்துள்ளார். ஞாயிறு மாலை வரை தமிழகக் கடலோரப் பகுதிகளை ஒட்டி புயலின் நகர்வு இருக்கும் என எதிர்பார்க்கப்படுகிறது.
இந்நிலையில் மழைக்கான எச்சரிக்கையை வானிலை ஆய்வு மையம் விடுத்துள்ளது.
நவம்பர் 29 (இன்று)
நாகப்பட்டினம், மயிலாடுதுறை, கடலூர், விழுப்புரம், செங்கல்பட்டு மாவட்டங்களுக்கு அதி கனமழைக்கான சிவப்பு எச்சரிக்கை விடுக்கப்பட்டுள்ளது. புதுச்சோரி மற்றும் காரைக்கால் பகுதிகளுக்கும் சிவப்பு நிற எச்சரிக்கை விடுக்கப்பட்டுள்ளது.
சென்னை, திருவள்ளூர், காஞ்சிபுரம், ராணிப்பேட்டை, திருவண்ணாமலை, கள்ளக்குறிச்சி, சேலம், பெரம்பலூர், அரியலூர், திருச்சி, தஞ்சாவூர், திருவாரூர், புதுக்கோட்டை ஆகிய மாவட்டங்களுக்கு மிகக் கனமழைக்கான ஆரஞ்சு நிற எச்சரிக்கை விடுக்கப்பட்டுள்ளது.
வேலூர், திருப்பத்தூர், கிருஷ்ணகிரி, தருமபுரி, நாமக்கல், கரூர் ஆகிய மாவட்டங்களுக்கு கனமழைக்கான மஞ்சள் நிற எச்சரிக்கை விடுக்கப்பட்டுள்ளது.
நவம்பர் 30 (நாளை)
திருவள்ளூர், ராணிப்பேட்டை மாவட்டங்களுக்கு அதி கனமழைக்கான சிவப்பு நிற எச்சரிக்கை விடுக்கப்பட்டுள்ளது.
சென்னை, செங்கல்பட்டு, காஞ்சிபுரம், விழுப்புரம், திருவண்ணாமலை, வேலூர், கிருஷ்ணகிரி, திருப்பத்தூர், தருமபுரி மாவட்டங்களில் மிகக் கனமழைக்கான வாய்ப்பு இருப்பதாகச் சொல்லி ஆரஞ்சு நிற எச்சரிக்கை விடுக்கப்பட்டுள்ளது.
சேலம், கள்ளக்குறிச்சி, கடலூர் மாவட்டங்களுக்கு கனமழைக்கான மஞ்சள் நிற எச்சரிக்கை விடுக்கப்பட்டுள்ளது. புதுச்சேரிக்கும் கனமழைக்கான மஞ்சள் நிற எச்சரிக்கை விடுக்கப்பட்டுள்ளது.
காற்றின் வேகம்
நவம்பர் 29 (இன்று)
புதுச்சேரி, கடலூர், மயிலாடுதுறை, காரைக்கால், திருவாரூர், தஞ்சாவூர், புதுக்கோட்டை, நாகப்பட்டினம் பகுதிகளில் காற்றின் வேகம் மணிக்கு 70 முதல் 80 கி.மீ. வேகத்தில் வீசக்கூடும் என ஆரஞ்சு நிற எச்சரிக்கை விடுக்கப்பட்டுள்ளது.
சென்னை, திருவள்ளூர், செங்கல்பட்டு, விழுப்புரம், தூத்துக்குடி, திருநெல்வேலி, கன்னியாகுமரி மாவட்டங்களில் மணிக்கு 55 முதல் 65 கி.மீ. வேகத்தில் காற்று வீசக்கூடும் என மஞ்சள் நிற எச்சரிக்கை விடுக்கப்பட்டுள்ளது.
நவம்பர் 30 (நாளை)
திருவள்ளூர், சென்னை, செங்கல்பட்டு, விழுப்புரம், புதுச்சேரி, கடலூர் ஆகிய இடங்களில் காற்றின் வேகம் மணிக்கு 70 முதல் 80 கி.மீ. வேகத்தில் வீசக்கூடும் என ஆரஞ்சு நிற எச்சரிக்கை விடுக்கப்பட்டுள்ளது.
மயிலாடுதுறை, காரைக்கால், திருவாரூர், தஞ்சாவூர், நாகப்பட்டினம், புதுக்கோட்டை, ராமநாதபுரம், தூத்துக்குடி, திருநெல்வேலி, கன்னியாகுமரி மாவட்டங்களில் மணிக்கு 55 முதல் 65 கி.மீ. வேகத்தில் காற்று வீசக்கூடும் என மஞ்சள் நிற எச்சரிக்கை விடுக்கப்பட்டுள்ளது.
Cyclone Ditwah: Red Alert issued for 5 districts in Tamil Nadu today. Orange Alert issued for 9 districts.
Cyclone Ditwah | Ditwah Cyclone | Cyclonic Storm Ditwah | Red Alert | Orange Alert | Yellow Alert | Heavy Rain | Chennai Rains | Chennai Rain |
