சென்னை காவல் ஆணையர் சந்தீப் ராய் ராத்தோர் மாற்றம்

சட்டம் - ஒழுங்கு ஏடிஜிபி அருண் புதிய காவல் ஆணையராக நியமிக்கப்பட்டுள்ளார்.
சென்னை காவல் ஆணையர் சந்தீப் ராய் ராத்தோர் மாற்றம்

சென்னை மாநகர காவல் ஆணையர் சந்தீப் ராய் ராத்தோர் பணியிட மாற்றம் செய்யப்பட்டுள்ளார்.

பகுஜன் சமாஜ் மாநிலத் தலைவர் ஆம்ஸ்ட்ராங் கடந்த வெள்ளிக்கிழமை பெரம்பூரில் 6 பேர் கொண்ட கும்பலால் வெட்டிக்கொலை செய்யப்பட்டார். தேசியக் கட்சியின் மாநிலத் தலைவர் படுகொலை செய்யப்பட்டதால், இந்தச் சம்பவம் தேசிய அளவில் கவனம் பெற்றது.

தமிழ்நாட்டில் சட்டம் - ஒழுங்கு சீர்கெட்டிருப்பதாக எதிர்க்கட்சிகள் கடுமையான விமர்சனங்களை வைத்தன.

இந்த நிலையில், சென்னை மாநகர காவல் ஆணையர் சந்தீப் ராய் ராத்தோர் பணியிட மாற்றம் செய்யப்பட்டுள்ளார். காவல் துறையின் பயிற்சிக் கல்லூரியின் இயக்குநராக சந்தீப் ராய் ராத்தோர் பணியிட மாற்றம் செய்யப்பட்டுள்ளார்.

சட்டம் - ஒழுங்கு ஏடிஜிபி அருண் புதிய காவல் ஆணையராக நியமிக்கப்பட்டுள்ளார். சட்டம் - ஒழுங்கு ஏடிஜிபியாக டேவிட்சன் தேவாசிர்வாதம் நியமிக்கப்பட்டுள்ளார்.

Related Stories

No stories found.
logo
Kizhakku News
kizhakkunews.in