தமிழ்நாடு நிதியமைச்சர் தங்கம் தென்னரசு எழுப்பிய 10 கேள்விகளுக்கு பாஜக முன்னாள் மாநிலத் தலைவர் அண்ணாமலை பதிலளித்துள்ளார்.
தமிழ்நாடு சட்டப்பேரவைக் கூட்டத்தொடரின் இறுதி நாளான அக்டோபர் 17 அன்று மானியக் கோரிக்கைகள் மீதான விவாதம் நடைபெற்றது. அப்போது, நிதியமைச்சர் தங்கம் தென்னரசு மத்திய அரசை நோக்கி 10 கேள்விகளை எழுப்பியிருந்தார்.
இந்தக் கேள்விகள் பற்றிய செய்தியைப் பகிர்ந்து, முதல்வர் மு.க. ஸ்டாலின் தனது எக்ஸ் தளப் பக்கத்தில் சில கேள்விகளை எழுப்பியிருந்தார். இதற்கெல்லாம் பதில் வருமா? அல்லது வழக்கம்போல் வாட்ஸ்அப் யூனிவர்சிட்டியில் பொய்ப் பிரசாரதைத் தொடங்குவீர்களா என்று முதல்வர் மு.க. ஸ்டாலின் கேள்வியெழுப்பியிருந்தார்.
முதல்வர் ஸ்டாலின் எழுப்பிய கேள்விகள்
ஊழல்வாதிகள் பா.ஜ.க.வின் கூட்டணிக்கு வந்தபின்பு, வாஷிங்மெஷினில் வெளுப்பது எப்படி?
நாட்டின் முக்கியமான திட்டங்களுக்கும், சட்டங்களுக்கும் இந்தியிலும் சமஸ்கிருதத்திலும் மட்டுமே பெயரிடப்படுவது என்ன மாதிரியான ஆணவம்?
ஒன்றிய அமைச்சர்களே நம் குழந்தைகளை அறிவியலுக்குப் புறம்பான மூடநம்பிக்கைகளைச் சொல்லி மட்டுப்படுத்துவது ஏன்?
எதிர்க்கட்சிகள் ஆளும் மாநிலங்களில், ஆளுநர்களை வைத்துக் குழப்பம் விளைவித்து என்ன சாதிக்கப் போகிறீர்கள்?
பா.ஜ.க.வின் தேர்தல் வெற்றிக்காக, மக்களின் வாக்குகளைப் பறிக்கும் வாக்குத் திருட்டை ஆதரிப்பது ஏன்?
இரும்பின் தொன்மை குறித்து அறிவியல்பூர்வமாகத் தமிழ்நாடு மெய்ப்பித்த அறிக்கையைக்கூட அங்கீகரிக்க மனம்வராதது ஏன்?
கீழடி அறிக்கையைத் தடுக்கக் குட்டிக்கரணங்கள் போடுவது ஏன்?
நிதியமைச்சர் தங்கம் தென்னரசு எழுப்பிய கேள்விகளுக்கு அண்ணாமலை அறிக்கை வாயிலாகப் பதிலளித்துள்ளார். மேலும், திமுக அரசுக்கு 6 கேள்விகள் இருப்பதாகச் சொல்லி, அதை அவர் எழுப்பியுள்ளார்.
அண்ணாமலையின் அறிக்கை மற்றும் அண்ணாமலை எழுப்பியுள்ள கேள்விகள்
Annamalai | BJP | DMK | MK Stalin | TN CM MK Stalin | Thangam Thennarasu |
