மக்களவைத் தேர்தல்: அதிமுக வேட்பாளர்கள் அறிவிப்பு!

மக்களவைத் தேர்தலுக்கான அதிமுக வேட்பாளர்கள் பட்டியலை அக்கட்சியின் பொதுச்செயலாளர் எடப்பாடி பழனிசாமி வெளியிட்டுள்ளார்.

மக்களவைத் தேர்தலுக்கான தேதி மார்ச் 16 அன்று அறிவிக்கப்பட்டது. தமிழ்நாட்டில் ஏப்ரல் 19-ல் ஒரே கட்டமாக வாக்குப்பதிவு நடைபெறவுள்ளது.

இந்நிலையில் சென்னை ராயப்பேட்டையில் உள்ள அதிமுக தலைமை அலுவலகத்தில் வேட்பாளர்கள் பட்டியலை இன்று எடப்பாடி பழனிசாமி வெளியிட்டுள்ளார். இதில் 16 வேட்பாளர்கள் இடம்பெற்றுள்ளனர்.

அதிமுக வேட்பாளர்கள் பட்டியல்:

தென் சென்னை- ஜெயவர்தன்

வடசென்னை - ராயபுரம் மனோ

காஞ்சிபுரம் (தனி) - ராஜசேகர்

அரக்கோணம் - விஜயன்

கிருஷ்ணகிரி - ஜெயபிரகாஷ்

ஆரணி - கஜேந்திரன்

விழுப்புரம் (தனி) - பாக்யராஜ்

சேலம் - விக்னேஷ்

நாமக்கல் - தமிழ்மணி

ஈரோடு-ஆற்றல் அசோக்குமார்

கரூர்-தங்கவேல்

சிதம்பரம் (தனி) - சந்திரஹாசன்

நாகப்பட்டினம் (தனி) - சுர்ஜித் சங்கர்

மதுரை - சரவணன்

தேனி- வி.டி. நாராயணசாமி

ராமநாதபுரம் - ஜெயபெருமாள்

இந்நிலையில் செய்தியாளர்களைச் சந்தித்த எடப்பாடி பழனிசாமி, “அதிமுக கூட்டணியில் தேமுதிகவுக்கு ஐந்து இடங்கள் ஒதுக்கீடு செய்யப்பட்டுள்ளது. மேலும், எஸ்டிபிஐ, புதிய தமிழகம் கட்சிக்கு தலா ஒரு தொகுதி ஒதுக்கப்பட்டுள்ளது. மக்களவைத் தேர்தல் அறிக்கையை விரைவில் எதிர்பார்க்கலாம்” என்றார்.