![மத்திய அரசுக்கு 2.10 லட்சம் கோடி வழங்க ஆர்பிஐ ஒப்புதல்](http://media.assettype.com/kizhakkunews%2F2024-05%2F25ee9751-031b-4963-a127-66520bee74bf%2FANI_20240522104834.jpg?w=480&auto=format%2Ccompress&fit=max)
ரூ. 2.10 லட்சம் கோடியை மத்திய அரசுக்கு உபரி நிதியாக வழங்க மத்திய ரிசர்வ் வங்கி (ஆர்பிஐ) ஒப்புதல் அளித்துள்ளது.
ஆர்பிஐ ஆளுநர் சக்திகாந்த தாஸ் தலைமையில் நடைபெற்ற ஆர்பிஐ-யின் 608-வது கூட்டத்தில் இந்த முடிவு எடுக்கப்பட்டது. 2022-23-ம் நிதியாண்டில் மத்திய அரசுக்கு வழங்கப்பட்ட நிதியைக் காட்டிலும் இது இரண்டு மடங்கு அதிகமாகும்.
2022-23-ம் நிதியாண்டில் ரூ. 87,416 கோடி ஈவுத்தொகையாக வழங்கப்பட்டது. இந்த நிதியாண்டில் பொருளாதார வளர்ச்சி மீண்டு வந்ததால், சிஆர்பி 6 சதவீதமாக உயர்த்தப்பட்டது. 2023-24-ம் நிதியாண்டில் பொருளாதாரம் வலுவாகவும், உறுதியுடனும் இருப்பதால் சிஆர்பியை 6.5 சதவீதமாக உயர்த்த முடிவு செய்யப்பட்டுள்ளது.
ஏப்ரல் 2023 முதல் மார்ச் 2024 வரையிலான ஆர்பிஐயின் செயல்பாடுகள், உலகளாவிய மற்றும் உள்நாட்டு பொருளாதார நிலை உள்ளிட்டவற்றின் மதிப்பீட்டின் அடிப்படையில் இந்த முடிவு எடுக்கப்பட்டுள்ளது.