![மக்களவைத் தேர்தல் நிறைவு!](http://media.assettype.com/kizhakkunews%2F2024-06%2F30326976-d95a-42ae-993c-6f5bc5a26f2f%2FPoll_7th_Phase.jpg?w=480&auto=format%2Ccompress&fit=max)
மக்களவைத் தேர்தலின் ஏழாவது மற்றும் கடைசிக் கட்ட வாக்குப்பதிவு மாலை 6 மணிக்கு நிறைவடைந்தது.
மக்களவைத் தேர்தல் ஏப்ரல் 19 முதல் ஏழு கட்டங்களாக நடைபெற்றது. ஏழாவது மற்றும் கடைசிக் கட்டத் தேர்தல் ஏழு மாநிலங்கள் மற்றும் ஒரு யூனியன் பிரதேசத்தில் உள்ள 57 தொகுதிகளில் காலை 7 மணி முதல் விறுவிறுப்பாக நடைபெற்றது. மாலை 6 மணிக்கு முன்பு வாக்கு செலுத்த வந்தவர்கள் மட்டும் மாலை 6 மணிக்குப் பிறகு வாக்களிக்க அனுமதிக்கப்படுவார்கள்.
பிரதமர் நரேந்திர மோடி தொடர்ந்து மூன்றாவது முறையாகப் போட்டியிடும் வாரணாசி தொகுதிக்கும் ஏழாவது கட்டத்தில்தான் வாக்குப்பதிவு நடைபெற்றது.
ஒடிஷாவில் கடைசி கட்டமாக 42 சட்டப்பேரவைத் தொகுதிகளுக்கு வாக்குப்பதிவு நடைபெற்றது. ஹிமாச்சல் பிரதேசத்தில் 6 சட்டப்பேரவைத் தொகுதிகளுக்கு இடைத்தேர்தல் நடைபெற்றது. இந்த 6 சட்டப்பேரவைத் தொகுதிகளும் காங்கிரஸ் வசம் இருந்தவை. இந்த 6 எம்எல்ஏ-க்களும் மாநிலங்களவைத் தேர்தலில் கட்சி மாறி வாக்களித்தார்கள். எனவே, இந்த 6 சட்டப்பேரவைத் தொகுதிகளுக்கான இடைத்தேர்தலின் முடிவு ஹிமாச்சலில் காங்கிரஸின் எதிர்காலத்தைத் தீர்மானிக்கவுள்ளது.
கடைசிக் கட்டத் தேர்தலில் பிற்பகல் 3 மணி நிலவரப்படி 49.68% வாக்குகள் பதிவாகியுள்ளன.
ஜார்க்கண்ட் - 60.14%
மேற்கு வங்கம் - 58.46%
உத்தரப் பிரதேசம் - 46.83%
சண்டிகர் - 52.61%
பிஹார் - 42.95%
ஒடிஷா - 49.77%
பஞ்சாப் - 46.38%
ஹிமாச்சலப் பிரதேசம் - 58.41%
ஜூன் 4-ல் வாக்கு எண்ணிக்கை நடைபெறுகிறது.