தமிழ்நாட்டில் 7 தொகுதிகளுக்கான காங்கிரஸ் வேட்பாளர்கள் பட்டியலை அகில இந்திய காங்கிரஸ் வெளியிட்டுள்ளது.
மக்களவைத் தேர்தலுக்கான 4-ம் கட்ட வேட்பாளர்கள் பட்டியலை காங்கிரஸ் வெளியிட்டுள்ளது. அஸ்ஸாம், ஜம்மு & காஷ்மீர், சத்தீஸ்கர், மத்தியப் பிரதேசம், மஹாராஷ்டிரம், மணிப்பூர், மிசோரம், ராஜஸ்தான், தமிழ்நாடு, உத்தரப் பிரதேசம், உத்தரகண்ட், மேற்கு வங்கம், அந்தமான் நிகோபர் தீவுகள், சத்தீஸ்கர் ஆகிய மாநிலங்களில் மொத்தம் 46 மக்களவைத் தொகுதிகளுக்கு காங்கிரஸ் வேட்பாளர்கள் அறிவிக்கப்பட்டுள்ளார்கள்.
தமிழ்நாட்டில் திமுக கூட்டணியில் மொத்தம் 9 மக்களவைத் தொகுதிகளில் போட்டியிடும் காங்கிரஸ், 7 மக்களவைத் தொகுதிகளுக்கான வேட்பாளர்களை அறிவித்துள்ளது.
திருவள்ளூர் (தனி) - சசிகாந்த் செந்தில்
கிருஷ்ணகிரி - கே. கோபிநாத்
கரூர் - ஜோதிமணி
கடலூர் - எம்.கே. விஷ்ணு பிரசாத்
சிவகங்கை - கார்த்தி சிதம்பரம்
விருதுநகர் - மாணிக்கம் தாகூர்
கன்னியாகுமரி - விஜய் வசந்த்
