திரிபுராவில் காலை 9 மணி நிலவரப்படி 16.65 சதவீத வாக்குகள் பதிவாகியுள்ளதாகத் தேர்தல் ஆணையம் அறிவித்துள்ளது.
நாடு முழுக்க மக்களவைத் தேர்தல் ஏப்ரல் 19 முதல் ஜூன் 1 வரை 7 கட்டங்களாக நடைபெறுகிறது. முதற்கட்ட வாக்குப்பதிவு தமிழ்நாட்டிலுள்ள 39 தொகுதிகள் உட்பட 102 தொகுதிகளுக்கு கடந்த ஏப்ரல் 19-ல் நடைபெற்றது. ஏறத்தாழ 62 சதவீத வாக்குகள் பதிவாகின.
இந்நிலையில் 2-ம் கட்ட வாக்குப்பதிவு 13 மாநிலங்களில் உள்ள 88 தொகுதிகளில் இன்று காலை 7 மணி முதல் வாக்குப்பதிவு தொடங்கி நடைபெற்று வருகிறது. அதிகபட்சமாக திரிபுராவில் காலை 9 மணி நிலவரப்படி 16.65 சதவீத வாக்குகள் பதிவாகியுள்ளதாகத் தேர்தல் ஆணையம் அறிவித்துள்ளது. குறைந்தபட்சமாக மஹாராஷ்டிரத்தில் 7.45 சதவீத வாக்குகள் பதிவாகியுள்ளது.
வாக்குப்பதிவு விவரம்:
அசாம் - 9.71%
பிஹார் - 9.84%
கர்நாடகம் - 9.21%
ஜம்மு-காஷ்மீர் - 10.39%
கேரளம்-11.98%
மத்தியப் பிரதேசம் - 13.82%
உத்தரப் பிரதேசம் - 11.67%
சத்தீஸ்கர் - 15.42%
மேற்கு வங்கம் - 15.68%
மணிப்பூர் - 15.49%
திரிபுரா - 16.65%
மஹாராஷ்டிரம் - 7.45%
