மகளிர் டி20 உலகக் கோப்பை போட்டி ஐக்கிய அரபு அமீரகத்தில் இன்று தொடங்குகிறது.
நடப்பு சாம்பியன் ஆஸ்திரேலியா, இந்தியா, நியூசிலாந்து, பாகிஸ்தான், இலங்கை ஆகிய அணிகள் ஏ பிரிவில் இடம் பெற்றுள்ளன.
பி பிரிவில் வங்கதேசம், இங்கிலாந்து, ஸ்காட்லாந்து, தென்னாப்பிரிக்கா, மே.இ. தீவுகள் ஆகிய அணிகள் இடம் பெற்றுள்ளன.
இன்று நடைபெறும் முதல் ஆட்டத்தில் வங்கதேசம் - ஸ்காட்லாந்து அணிகளும், 2-வது ஆட்டத்தில் பாகிஸ்தான் - இலங்கை அணிகளும் மோதுகின்றன.
இந்திய அணி தனது முதல் ஆட்டத்தில் நியூசிலாந்துடன் நாளை (அக்டோபர் 4) விளையாடுகிறது.
2023-ல் நடைபெற்ற டி20 உலகக் கோப்பையில் இந்திய மகளிர் அணி, ஆஸ்திரேலியாவுக்கு எதிராக அரையிறுதியில் தோல்வியடைந்தது.
இம்முறை உலகக் கோப்பையை வெல்லும் அணிக்கு 2.34 மில்லியன் அமெரிக்க டாலர்கள் பரிசுத் தொகையாக வழங்கப்படும் என்று ஐசிசி அறிவித்திருந்தது. முன்னதாக, 2023-ல் நடைபெற்ற டி20 உலகக் கோப்பையில் முதல் பரிசாக 1 மில்லியன் அமெரிக்க டாலர்களே வழங்கப்பட்டது.
இந்தியா மோதும் ஆட்டங்கள்
அக். 04 இந்தியா vs நியூசிலாந்து
அக். 06 இந்தியா vs பாகிஸ்தான்
அக். 09 இந்தியா vs இலங்கை
அக். 13 இந்தியா vs ஆஸ்திரேலியா
