டிஎன்பிஎல்: இறுதிச் சுற்றில் கோவை, திண்டுக்கல் அணிகள்!

டிஎன்பிஎல் இறுதிச் சுற்றில் லைகா கோவை கிங்ஸும், திண்டுக்கல் டிராகன்ஸ் அணியும் மோதவுள்ளன.

தமிழ்நாடு கிரிக்கெட் சங்கம் சார்பில் நடத்தப்படும் டிஎன்பிஎல் டி20 லீக் போட்டி கடந்த ஜூலை 5 அன்று தொடங்கியது.

இதில் லைகா கோவை கிங்ஸ், திண்டுக்கல் டிராகன்ஸ் அணிகள் இறுதிச் சுற்றுக்கு முன்னேறியுள்ளன.

முதல் தகுதிச் சுற்றில் திருப்பூர் அணியை 7 விக்கெட்டுகள் வித்தியாசத்தில் வீழ்த்தியது லைகா கோவை கிங்ஸ். நேற்று நடைபெற்ற 2-வது தகுதிச் சுற்றில் திருப்பூர் - திண்டுக்கல் அணிகள் மோதின.

இதில் திண்டுக்கல் அணி 9 விக்கெட்டுகள் வித்தியாசத்தில் வெற்றி பெற்றது.

அபாரமாக விளையாடிய அஸ்வின் 30 பந்துகளில் 3 சிக்ஸர்கள், 11 பவுண்டரிகளுடன் 69 ரன்கள் எடுத்தார்.

இந்த வெற்றியின் மூலம் திண்டுக்கல் அணி இறுதிச் சுற்றுக்கு முன்னேறியுள்ளது.

இந்நிலையில் லைகா கோவை கிங்ஸ் - திண்டுக்கல் டிராகன்ஸ் இடையேயான இறுதிச் சுற்று ஆட்டம் சென்னை சேப்பாக்கத்தில் நாளை இரவு 7.15 மணிக்கு நடைபெறவுள்ளது.

கடந்த ஆண்டு டிஎன்பிஎல் போட்டியில் லைகா கோவை கிங்ஸ் அணி சாம்பியன் பட்டத்தை வென்றது.