இந்தியா உருவாக்கிய மிகச்சிறந்த ஆல் ரவுண்டரான ஜெய் ஷா ஐசிசி தலைவராகத் தேர்வு செய்யப்பட்டதற்கு வாழ்த்துகள் என்று நடிகர் பிரகாஷ் ராஜ் தெரிவித்துள்ளார்.
சர்வதேச கிரிக்கெட் கவுன்சிலின் (ஐசிசி) தலைவராக ஜெய் ஷா போட்டியின்றி தேர்வானார். இவர் டிசம்பர் 1 முதல் ஐசிசி தலைவராக பொறுப்பேற்க உள்ளார். மேலும், மிக குறைந்த வயதில் ஐசிசியின் தலைவராக தேர்வாகி ஜெய் ஷா சாதனை படைத்தார்.
இந்நிலையில் ஜெய் ஷாவுக்கு கேலியான முறையில் பிரகாஷ் ராஜ் வாழ்த்து தெரிவித்துள்ளார்.
பிரகாஷ் ராஜின் எக்ஸ் பதிவு:
“இந்திய கிரிக்கெட் உருவாக்கிய மிகச்சிறந்த பேட்டர், பந்துவீச்சாளர், விக்கெட் கீப்பர், ஃபீல்டர் மற்றும் அல்டிமேட் ஆல் ரவுண்டர் போட்டியின்றி ஐசிசி தலைவராக தேர்வானதற்கு நாம் அனைவரும் கைத்தட்டி வாழ்த்துவோம்”
இவ்வாறு அதில் குறிப்பிடப்பட்டுள்ளது.
