நியூசிலாந்துக்கு எதிராக நடைபெறவிருக்கும் டி20 தொடருக்கான பாகிஸ்தான் அணியில் முகமது அமிர் 4 ஆண்டுகளுக்குப் பிறகு இடம்பெற்றுள்ளார்.
பாகிஸ்தான் - நியூசிலாந்து இடையிலான 5 ஆட்டங்கள் கொண்ட டி20 தொடர் ஏப்ரல் 18 அன்று தொடங்குகிறது.
இந்த தொடருக்கான பாகிஸ்தான் அணியில் முகமது அமிர் இடம்பெற்றுள்ளார். அமிர் கடைசியாக 2020-ல் பாகிஸ்தான் அணிக்காக விளையாடினார்.
பாகிஸ்தான் கிரிக்கெட் வாரியம் மற்றும் அணியுடன் ஏற்பட்ட மனகசப்பு காரணமாக, முகமது அமிர் கடந்த 2020-ல் சர்வதேச கிரிக்கெட்டில் இருந்து ஓய்வு பெறுவதாக அறிவித்தார்.
இதைத் தொடர்ந்து சமீபத்தில், “வரவிருக்கும் டி20 உலகக் கோப்பையில் விளையாட நான் தயாராக இருக்கிறேன். எனது ஓய்வு முடிவை திரும்பப் பெறுகிறேன்” என்றார்.
இந்நிலையில் தற்போது 4 ஆண்டுகளுக்கு பிறகு மீண்டும் பாகிஸ்தான் அணியில் இடம் பெற்றுள்ளார்.
