![மேஜர் லீக் கிரிக்கெட்](http://media.assettype.com/kizhakkunews%2F2024-05%2F10a6a8e5-e75c-4650-9e47-c6df581007a8%2FF2VhXKWaQAE8xU2.jpg?w=480&auto=format%2Ccompress&fit=max)
அமெரிக்காவில் நடைபெறும் மேஜர் லீக் கிரிக்கெட் போட்டிக்கு ஐசிசியின் லிஸ்ட் ஏ அந்தஸ்து கிடைத்துள்ளது.
மேஜர் லீக் கிரிக்கெட் போட்டி கடந்த ஆண்டில் அறிமுகம் ஆனது. 6 அணிகள் பங்கேற்ற இப்போட்டியில் எம் ஐ நியூயார்க் அணி வெற்றி பெற்றது. 2-வது மேஜர் லீக் கிரிக்கெட் போட்டி வருகிற ஜூலை 5 முதல் நடைபெறவுள்ளது. இந்நிலையில் மேஜர் லீக் கிரிக்கெட் போட்டிக்கு ஐசிசியின் லிஸ்ட் ஏ அந்தஸ்து கிடைத்துள்ளது. முன்னதாக துபாயில் நடைபெறும் ஐஎல் டி20 போட்டிக்கு ஐசிசியின் லிஸ்ட் ஏ அந்தஸ்து கிடைத்தது. இதைத் தொடர்ந்து இனி மேஜர் லீக் கிரிக்கெட் போட்டி அதிகாரபூர்வமான டி20 லீக் என அங்கீகரிக்கப்படும்.
இந்நிலையில் தற்போது 6 அணிகள் மட்டுமே பங்கேற்கும் நிலையில் இனி வரும் ஆண்டுகளில் அதனை 10 அணிகளாக அதிகரிக்கவும் மேலும், இனி 34 ஆட்டங்களை நடத்தவும் மேஜர் லீக் கிரிக்கெட் நிர்வாகம் முயற்சி செய்து வருவதாகத் தகவல்கள் வெளியாகி உள்ளது.