நடப்பு ஐபிஎல் பருவத்தில் அதிக விக்கெட்டுகள் வீழ்த்தியவர்களில் பட்டியலில் நடராஜன் முதலிடத்துக்கு முன்னேறியுள்ளார்.
ஐபிஎல் 2024-ன் 50-வது ஆட்டத்தில் சன்ரைசர்ஸ் - ராஜஸ்தான் அணிகள் மோதின. கடைசிப் பந்து வரை சென்ற இந்த ஆட்டத்தில் சன்ரைசர்ஸ் அணி ஒரு ரன் வித்தியாசத்தில் வெற்றி பெற்றது. நடராஜன் சிறப்பாகப் பந்துவீசி 2 விக்கெட்டுகளை வீழ்த்தினார்.
இதன் மூலம் இந்த ஐபிஎல்-லில் அதிக விக்கெட்டுகள் வீழ்த்தியவர்களில் பட்டியலில் நடராஜன் முதலிடத்துக்கு முன்னேறியுள்ளார். 8 ஆட்டங்களில் விளையாடி நடராஜன் 15 விக்கெட்டுகளை வீழ்த்தியுள்ளார். முன்னதாக பும்ரா முதலிடத்தில் இருந்தார்.
பும்ரா 14 விக்கெட்டுகளை வீழ்த்தி 2-வது இடத்திலும், சிஎஸ்கே வீரர் முஸ்தஃபிஸுர் 14 விக்கெட்டுகளை வீழ்த்தி 3-வது இடத்திலும் உள்ளனர்.
சமீபத்தில் டி20 உலகக் கோப்பைக்கான இந்திய அணி அறிவிக்கப்பட்டது. இதைத் தொடர்ந்து நடராஜன் அணியில் இடம்பெறாதது பேசுபொருளாக மாறியது. நடப்பு ஐபிஎல் போட்டியில் சிறப்பாகப் பந்துவீசியும் அவருக்கு வாய்ப்பு வழங்கப்படவில்லை என்பதால் ரசிகர்கள் பலரும் ஏமாற்றம் அடைந்துள்ளார்கள்.
