காயம் காரணமாக லக்னௌ வீரர் ஷிவம் மாவி ஐபிஎல் போட்டியிலிருந்து விலகியுள்ளார்.
ஐபிஎல் ஏலத்தில் மாவி ரூ. 6.40 கோடிக்கு லக்னௌ அணியால் தேர்வு செய்யப்பட்டார். இந்நிலையில் காயம் காரணமாக அவர் ஐபிஎல் 2024 போட்டியிலிருந்து விலகியுள்ளார்.
2018 முதல் ஐபிஎல்-லில் விளையாடி வரும் மாவி, இதுவரை 32 ஆட்டங்களில் பங்கேற்று 30 விக்கெட்டுகளை வீழ்த்தியுள்ளார். இந்திய அணிக்காக 6 டி20 ஆட்டங்களில் விளையாடி 7 விக்கெட்டுகளை வீழ்த்தியுள்ளார்.
நடப்பு ஐபிஎல் பருவத்தில் அவர் ஒரு ஆட்டத்தில் கூட விளையாடவில்லை. இந்நிலையில் அவர் விலகியதைத் தொடர்ந்து அவருக்கு பதில் மாற்று வீரர் இன்னும் அறிவிக்கப்படவில்லை.
லக்னௌ அணி இதுவரை 3 ஆட்டங்களில் விளையாடி 2 வெற்றி, ஒரு தோல்வி என 4 புள்ளிகளுடன் புள்ளிகள் பட்டியலில் 4-வது இடத்தில் உள்ளது. தனது அடுத்த ஆட்டத்தில் லக்னௌ அணி ஏப்ரல் 7 அன்று குஜராத் அணியுடன் விளையாடுகிறது.