![மும்பை அணி](http://media.assettype.com/kizhakkunews%2F2024-05%2Fa5139b4a-377a-4243-b57a-b91c9ff881ba%2F20240503352L.jpg?w=480&auto=format%2Ccompress&fit=max)
நடப்பு ஐபிஎல்-ல் இனி 16 ஆட்டங்கள் மீதமிருக்கும் நிலையில் பிளே ஆஃப் சுற்றுக்குத் தகுதி பெற மும்பை அணி என்ன செய்ய வேண்டும் என்பதைப் பார்க்கலாம்.
ஐபிஎல்-ன் இன்றைய ஆட்டத்தில் மும்பை - சன்ரைசர்ஸ் அணிகள் மும்பையில் மோதுகின்றன. இதுவரை 54 ஆட்டங்கள் முடிவடைந்த நிலையில் மும்பை அணி 6 புள்ளிகளுடன் புள்ளிகள் பட்டியலில் கடைசி இடத்தில் உள்ளது. இன்றைய ஆட்டத்தையும் சேர்த்து இனி மும்பை அணிக்கு 3 ஆட்டங்கள் (சன்ரைசர்ஸ், கேகேஆர், லக்னௌ அணிகளுக்கு எதிராக) மீதமுள்ளது. இந்நிலையில் மிகப்பெரிய மாயாஜாலம் நடக்கும் பட்சத்தில் மும்பை அணி பிளே ஆஃப் சுற்றுக்குத் தகுதி பெற வாய்புள்ளது.
* மும்பை அணி எஞ்சிய 3 ஆட்டங்களிலும் மிகப்பெரிய வெற்றிகளை அடைய வேண்டும். அவ்வாறு செய்தால் மும்பைக்கு ரன் ரேட் உயரும்.
* அடுத்ததாக, மற்ற அணிகளின் முடிவுகளும் மும்பைக்கு சாதகமாக இருக்க வேண்டும். தில்லி - ராஜஸ்தான் ஆட்டத்தில் ராஜஸ்தான் வெற்றி பெற வேண்டும், சன்ரைசர்ஸ் - லக்னௌ ஆட்டத்தில் சன்ரைசர்ஸ் வெற்றி பெற வேண்டும்.
இதுபோல இனி வரும் ஆட்டங்கள் அனைத்தும் மும்பைக்கு சாதகமாக அமையும் பட்சத்தில் புள்ளிகள் பட்டியலில் ராஜஸ்தான், கேகேஆர் மற்றும் சன்ரைசர்ஸ் அணிகள் 12 புள்ளிகளுக்கு அதிகமாக பெற்று முதல் 3 இடங்களைப் பிடிக்கும். அடுத்ததாக மும்பை, தில்லி, லக்னௌ, ஆர்சிபி மற்றும் சிஎஸ்கே அணிகள் தலா 12 புள்ளிகளுடன் இருக்கும்.
ஒருவேளை இவ்வாறு நடந்து ரன் ரேட்டிலும் மும்பை அணி முன்னிலையில் இருந்தால் மும்பை அணி 4-வது அணியாக பிளே ஆஃப் சுற்றுக்குத் தகுதி பெறும். ஆனால், இவ்வாறு நடப்பது மிகவும் கடினமான ஒன்று. இருந்தும் இனி வரும் ஆட்டங்களை மும்பை ரசிகர்கள் நம்பிக்கையுடன் பார்க்க, இந்த கணக்கானது ஆறுதலாக அமையும்.