சர்வதேச கிரிக்கெட் கவுன்சிலின் (ஐசிசி) தலைவராக ஜெய் ஷா போட்டியின்றி தேர்வாகி உள்ளார்.
ஐசிசியின் தலைவராக உள்ள நியூசிலாந்தைச் சேர்ந்த கிரெக் பார்க்லேவின் பதவிக்காலம் வருகிற நவம்பர் மாதம் முடிவடைகிறது. ஏற்கெனவே ஒரு முறை ஐசிசியின் தலைவராக பணியாற்றிய அவர் 3-வது முறையாக போட்டியிடமாட்டேன் என அறிவித்தார்.
இதன் பிறகு ஐசிசியின் தலைவர் பதவிக்கு போட்டியிட விருப்பம் உள்ளவர்கள் ஆகஸ்ட் 27-க்குள் வேட்புமனுவை அளிக்குமாறு தெரிவிக்கப்பட்டது.
இதைத் தொடர்ந்து பிசிசிஐ செயலர் ஜெய் ஷா ஐசிசியின் தலைவர் பதவிக்கு வேட்புமனுவை தாக்கல் செய்தார்.
இந்நிலையில் ஐசிசியின் தலைவராக ஜெய் ஷா போட்டியின்றி தேர்வாகி உள்ளார். டிசம்பர் 1 முதல் ஐசிசி தலைவராக பொறுப்பேற்க உள்ளார்.
மேலும், மிக குறைந்த வயதில் ஐசிசியின் தலைவராக தேர்வாகி ஜெய் ஷா சாதனை படைத்துள்ளார்.
