ஆசியக் கோப்பை 2025 போட்டியின் அட்டவணை அதிகாரபூர்வமாக இன்று வெளியிடப்பட்டுள்ளது.
டி20 ஆட்டங்கள் கொண்ட இப்போட்டி செப்டம்பர் 9 - 28 தேதிகளில் ஐக்கிய அரபு அமீரகத்தில் நடைபெறவுள்ளதாக ஆசிய கிரிக்கெட் கவுன்சில் இன்று அறிவித்துள்ளது. 2023 போட்டியில் இலங்கையை வீழ்த்தி சாம்பியன் ஆனது இந்திய அணி.
இந்தியா, பாகிஸ்தான் உள்பட 8 நாடுகள் இப்போட்டியில் பங்கேற்கின்றன. மே மாத ஆபரேஷன் சிந்தூர் தாக்குதலுக்குப் பிறகு இந்தியா, பாகிஸ்தான் என இரு அணிகளும் ஒரு கிரிக்கெட் போட்டியில் முதல்முறையாக பங்கேற்பதால் ஆசியக் கோப்பைக்கு அதிக எதிர்பார்ப்பு ஏற்பட்டுள்ளது.
செப்டம்பர் 14-ல் இந்தியா - பாகிஸ்தான் அணிகள் மோதுகின்றன. இந்தியா இடம்பெற்றுள்ள குரூப் ஏ-வில் பாகிஸ்தான், ஓமன், ஐக்கிய அரபு அமீரகம் ஆகிய அணிகள் இடம்பெற்றுள்ளன். குரூப் சுற்றுக்குப் பிறகு இரு பிரிவுகளிலும் முதல் இரு இடங்களைப் பிடித்த அணிகள் சூப்பர் 4 சுற்றில் மோதுகின்றன. இதற்குத் தகுதியடைந்தால் இந்தியாவும் பாகிஸ்தானும் மீண்டும் செப்டம்பர் 21-ல் மோத வாய்ப்புள்ளது. இறுதிச் சுற்றுக்கு இரு அணிகளும் தகுதியடைந்தால் செப்டம்பர் 28-ல் மூன்றாவது முறையாகவும் மோத வாய்ப்புள்ளது.
இந்தியாவின் குரூப் ஆட்டங்கள்
செப். 10
இந்தியா vs யுஏஇ
செப். 14
இந்தியா vs பாகிஸ்தான்
செப். 19
இந்தியா vs ஓமன்
