விக்ரமின் தங்கலான்: வெளியீட்டு தேதி அறிவிப்பு!

விக்ரமின் ‘தங்கலான்’ படம் ஆகஸ்ட் 15 அன்று வெளியாக உள்ளதாக அதிகாரபூர்வமாக அறிவிக்கப்பட்டுள்ளது.

இயக்குநர் பா. இரஞ்சித் இயக்கத்தில் விக்ரம் நடிப்பில் உருவாகியுள்ள படம் ‘தங்கலான்’. இப்படத்தில் பார்வதி, மாளவிகா மோகனன், பசுபதி போன்ற பலரும் நடித்துள்ளனர். இசை - ஜி.வி. பிரகாஷ்.

இப்படத்தின் டீசர் கடந்த நவம்பர் மாதத்தில் வெளியான நிலையில், ஜூலை 10 அன்று டிரைலர் வெளியானது.

கடந்த 3-4 ஆண்டுகளாகப் படத்தின் வேலைகள் நடந்து கொண்டிருப்பதால் ‘தங்கலான்’ படத்திற்கு ரசிகர்கள் மத்தியில் பெரிய எதிர்பார்ப்பு உள்ளது.

இந்நிலையில் தங்கலான் படம் ஆகஸ்ட் 15 அன்று வெளியாக உள்ளதாகப் படக்குழு அதிகாரபூர்வமாக அறிவித்துள்ளது.