கங்குவா படத்தின் சிறப்புக் காட்சிக்குத் தமிழ்நாடு அரசு அனுமதி அளித்துள்ளது.
இயக்குநர் சிவா இயக்கத்தில் சூர்யா, திஷா பதானி, பாபி தியோல், யோகி பாபு உள்பட பலர் நடித்திருக்கும் ‘கங்குவா’ படம் நவம்பர் 14 அன்று திரையரங்குகளில் வெளியாகிறது. இசை - தேவி ஸ்ரீ பிரசாத்.
இந்நிலையில், இப்படத்துக்கு சிறப்புக் காட்சிகளை திரையிட தமிழ்நாடு அரசு அனுமதி அளிக்க வேண்டும் என படத்தின் தயாரிப்பு நிறுவனமான ஸ்டுடியோ கிரீன் நிறுவனம் கோரிக்கை விடுத்திருந்தது.
இதன் தொடர்ச்சியாக படம் வெளியாகும் நாளான நவம்பர் 14 அன்று மட்டும் காலை 9 மணி முதல் இரவு 2 மணி வரை 5 காட்சிகள் திரையிட அனுமதி அளிக்கப்பட்டுள்ளது.
கங்குவா, சூர்யாவின் முதல் பான் இந்தியா படம் என்பதால் இப்படத்தின் மீதான ஆர்வம் அதிகமாக உள்ளது.
மேலும், 2 ஆண்டுகளுக்குப் பிறகு திரையில் மீண்டும் சூர்யாவை காண ரசிகர்கள் ஆவலுடன் காத்துக்கொண்டு இருக்கிறார்கள்.
