தனுஷ் இயக்கி நடிக்கும் ராயன் படம் ஜூன் 13-ல் வெளியாகும் என அறிவிக்கப்பட்டுள்ளது.
தனுஷின் 50-வது படமான ராயன் படத்தில் எஸ்.ஜே. சூர்யா, காளிதாஸ் ஜெயராம், செல்வராகவன், பிரகாஷ் ராஜ், துஷரா விஜயன், அபர்ணா பாலமுரளி உட்பட பலரும் நடித்துள்ளனர். இசை - ஏ.ஆர். ரஹ்மான்.
இப்படத்தின் முதல் பாடலான ‘அடங்காத அசுரன்’ இன்று வெளியாகி உள்ளது. இப்பாடலை தனுஷ் எழுதி, பாடியும் உள்ளார். ரஹ்மானும் இப்பாடலை பாடியுள்ளார்.
இப்பாடல் நல்ல வரவேற்பை பெற்று வருகிறது. இந்நிலையில் இப்படம் ஜூன் 13-ல் வெளியாகும் என அறிவிக்கப்பட்டுள்ளது.
ஏற்கெனவே தனுஷ், தெலுங்கில் குபேரா, நிலவுக்கு என் மேல் என்னடி கோபம், இயக்குநர் மாரி செல்வராஜுடன் ஒரு படம், இளையராஜாவின் வாழ்க்கை படம் என அடுத்தடுத்து பல படங்களில் பணியாற்றி வருகிறார்.
