இந்தியன் 2 படத்தில் 20 நிமிட காட்சிகள் குறைக்கப்பட்டுள்ளதாக தகவல்கள் வெளியாகி உள்ளது.
இயக்குநர் ஷங்கர் இயக்கத்தில் கமல் நடித்து 1996-ல் வெளியான படம் ‘இந்தியன்’. இப்படம் மிகப்பெரிய வெற்றி அடைந்தது. இதைத் தொடர்ந்து ஷங்கர் இயக்கத்தில் கமல் நடிப்பில் 28 ஆண்டுகளுக்குப் பிறகு ‘இந்தியன்-2’ படம் உருவானது.
இப்படத்தில் காஜல் அகர்வால், ரகுல் பிரீத் சிங், எஸ்.ஜே. சூர்யா, சித்தார்த், பாபி சிம்ஹா, பிரியா பவானி ஷங்கர் போன்றோர் நடித்துள்ளனர். இசை - அனிருத். ஒளிப்பதிவு - ரவி வர்மன்.
இப்படம் ஜூலை 12 அன்று வெளியான நிலையில் பெரும்பாலும் எதிர்மறையான விமர்சனங்களையே பெற்று வருகிறது. இந்நிலையில் இந்தியன் 2 படத்தில் 20 நிமிட காட்சிகள் நீக்கப்பட்டுள்ளதாக தகவல்கள் வெளியாகி உள்ளது. எனவே 3 மணி நேரமாக இருந்த இப்படம் இன்று (ஜூலை 14) முதல் 2.40 மணி நேரம் ஓடக்கூடிய படமாகவே இருக்கும் என்று கூறப்படுகிறது.
இருப்பினும் இது குறித்து படக்குழுவினரிடம் இருந்து எந்த அதிகாரபூர்வ தகவலும் வரவில்லை.
