![கில்லி மறுவெளியீடு: வசூலில் சாதனை!](http://media.assettype.com/kizhakkunews%2F2024-04%2Fadd7b20b-7aac-439b-955f-e99bb1db3689%2FGLrOCSHXwAA4SfP.jpg?w=480&auto=format%2Ccompress&fit=max)
2024-ல் முதல் நாளில் அதிக வசூல் செய்த தமிழ்ப்படம் என்ற சாதனையை ‘கில்லி’ படம் செய்துள்ளது.
20 ஆண்டுகளுக்குப் பிறகு விஜய்யின் ‘கில்லி’ படம் மீண்டும் ரீ- ரிலீஸ் செய்யப்பட்டு ரசிகர்களிடையே நல்ல வரவேற்பை பெற்று வருகிறது.
இந்நிலையில் 2024-ல் முதல் நாளில் அதிக வசூல் செய்த தமிழ்ப்படம் என்ற சாதனையை ‘கில்லி’ படம் செய்துள்ளதாக இப்படத்தை வெளியிட்ட சக்திவேல் ஃபிலிம் ஃபேக்டரி தயாரிப்பு நிறுவனம் தெரிவித்துள்ளது.
மேலும், 20 வருடங்கள் பழமையான படமாக இருந்தாலும், விஜய்யின் புதிய படமாக இல்லாவிட்டாலும், 2024-ல் வெளிவந்த அனைத்து கோலிவுட் சாதனைகளையும் முறியடித்துள்ளது எனவும் அந்நிறுவனம் தெரிவித்துள்ளது.
கில்லி படம் முதல் நாளில் ரூ. 4 கோடிக்கு மேல் வசூல் செய்ததாகக் கூறப்படுகிறது. முன்னதாக தமிழ்ப் படங்களில் ரூ. 50 கோடி வசூலித்த முதல் படம் எனும் சாதனையையும் கில்லி படம் படைத்தது.