யூடியூப் ப்ரீமியம் சேவையின் கட்டணங்கள் உயர்த்தப்பட்டு புதிய அறிவிப்பு ஒன்று வெளியாகியுள்ளது.
யூடியூப் ப்ரீமியம் சேவை கடந்த 5 ஆண்டுகளுக்கு முன்பு தொடங்கப்பட்டது. விளம்பரமில்லா ஸ்ட்ரீமிங், ஆஃப்லைன் பதிவிறக்கங்கள் போன்ற வசதிகளை யூடியூப் ப்ரீமியம் சேவையின் மூலம் பெறலாம்.
இந்நிலையில் இச்சேவையின் கட்டணங்கள் 58 சதவீதம் வரை உயர்த்தப்பட்டுள்ளது.
முன்னதாக, மாதம் ரூ.189-க்கு கிடைத்த ஃபேமிலி சேவையின் கட்டணம் தற்போது ரூ. 299 ஆக உயர்த்தப்பட்டுள்ளது.
மாணவர்களுக்கான மாதாந்திர சேவை ரூ. 79-லிருந்து ரூ. 89 ஆக உயர்த்தப்பட்டுள்ளது.
தனிநபர் மாதாந்திர சேவை ரூ. 129-லிருந்து ரூ. 149 ஆக உயர்த்தப்பட்டுள்ளது.
அதேபோல் தனிநபர் மாதாந்திர, காலாண்டு மற்றும் வருடாந்திர ப்ரீபெய்ட் சேவைகளுக்கான கட்டணங்களும் உயர்த்தப்பட்டுள்ளது.
