மேலும் குறைந்த தங்கம் விலை!

சென்னையில் ஆபரணத் தங்கத்தின் விலை சவரனுக்கு ரூ. 320 குறைந்துள்ளது.

கடந்த சில வாரங்களாக தங்கத்தின் மதிப்பு நன்கு உயர்ந்திருந்தது. கடந்த தீபாவளியன்று அக்டோபர் 31-ல் ஒரு கிராம் தங்கத்தின் விலை 7,455 ரூபாய்க்கு விற்பனையானது. இதனால் ஒரு சவரன் தங்க விலை ரூ. 60 ஆயிரத்தை நெருங்கியது.

இந்நிலையில் தங்கத்தின் விலை நேற்று (நவ.12) அதிரடியாக சரிந்தது. நேற்றைய நிலவரப்படி சென்னையில் தங்கத்தின் விலை சவரனுக்கு ரூ. 1,080 குறைந்து ஒரு சவரன் ரூ. 56680-க்கு விற்பனையானது.

இந்நிலையில் இன்று கிராமுக்கு 40 ரூபாயும், சவரனுக்கு 320 ரூபாயும் குறைந்து, தங்கத்தின் விலை ஒரு சவரன் ரூ. 56360-க்கு விற்பனை செய்யப்படுகிறது. ஒரு கிராம் தங்கம் ரூ. 7045-க்கு விற்பனையாகிறது.