இங்கிலாந்து லயன்ஸ் அணிக்கு எதிரான 2-வது முதல்தர ஆட்டத்தில் இந்தியா ஏ அணியில் தேர்வாகியுள்ளார் ரிங்கு சிங்.
இந்தியா ஏ - இங்கிலாந்து லயன்ஸ் இடையிலான மூன்று ஆட்டங்கள் கொண்ட தொடர் நடைபெற்று வருகிறது. முதல் ஆட்டம் டிரா ஆன நிலையில் 2-வது முதல்தர ஆட்டம் நாளை (ஜன. 24) நடைபெறுகிறது. இந்த ஆட்டத்திற்கான இந்திய ஏ அணியில் ரிங்கு சிங் தேர்வாகியுள்ளார். கடந்த டிசம்பர் மாதத்தில் தெ.ஆ. ஏ அணிக்கு எதிராக நடைபெற்ற தொடரில் இடம்பெற்றிருந்த ரிங்கு சிங், அத்தொடரில் விளையாடவில்லை.
கடந்த 5 மாதங்களாக டி20 போட்டிகளில் அசத்திய ரிங்கு சிங் இந்திய அணிக்காக இரண்டு ஒருநாள் ஆட்டங்களிலும் விளையாடி உள்ளார். ரிங்கு சிங் இதுவரை 46 முதல்தர ஆட்டங்களில் விளையாடி 57.57 சராசரியில் 3109 ரன்கள் குவித்துள்ளார்.