இயக்குநர் ராஜ்குமார் பெரியசாமி இயக்கத்தில் தனது 21-வது படத்தில் நடிக்கிறார் சிவகார்த்திகேயன். இப்படம் குறித்த புதிய அப்டேட் ஒன்றை வெளியிட்டார் இயக்குநர் நெல்சன்.
2017-ல் வெளியான ‘ரங்கூன்’ படத்தை இயக்கியவர் ராஜ்குமார் பெரியசாமி. இவரது இயக்கத்தில் தனது 21-வது படத்தில் நடிக்கிறார் சிவகார்த்திகேயன். இப்படத்தை ராஜ்கமல் நிறுவனம் தயாரிக்கிறது. இப்படம் குறித்த புதிய அப்டேட் ஒன்றைப் பதிவிட்டுள்ளார் இயக்குநர் நெல்சன்.
‘எஸ்கே21’ குறித்து இயக்குநர் நெல்சன் தனது X தளத்தில் கூறியதாவது: “எஸ்கே21 படத்தின் முதல் பார்வை டீசரை பார்த்தேன். இந்த உணர்ச்சிகரமான பயணத்தில் நீங்கள் என்ன செய்தீர்கள் என்பதை இந்த உலகம் பார்க்கும் வரை காத்திருக்க முடியவில்லை. ஒட்டுமொத்த படக்குழுவினர்களுக்கும் என்னுடைய பாராட்டுகள்” என்றார்.
