துலீப் கோப்பையின் முதல் சுற்றில் சிராஜ், உம்ரான் மாலிக் ஆகியோர் விலகியுள்ளனர்.
இந்தியாவின் புகழ்பெற்ற உள்ளூர் கிரிக்கெட் போட்டியான துலீப் கோப்பை வரும் செப்டம்பர் 5 முதல் 22 வரை நடைபெற உள்ளது.
கே.எல். ராகுல், சூர்யகுமார் யாதவ், ரிஷப் பந்த், ஷுப்மன் கில், ஜெயிஸ்வால், ஸ்ரேயஸ் ஐயர் போன்ற பிரபல வீரர்கள் இப்போட்டியில் பங்கேற்கவுள்ளனர்.
தமிழக வீரர்களான வாஷிங்டன் சுந்தர், சாய் கிஷோர், சாய் சுதர்சன், பாபா இந்திரஜித், சந்தீப் வாரியர் ஆகியோரும் இடம்பெற்றுள்ளனர்.
இதில் ஜடேஜா, சிராஜ் ஆகியோரும் விளையாடவுள்ளதாக அறிவிக்கப்பட்ட நிலையில் தற்போது அவர்கள் விலகியுள்ளனர்.
சிராஜ் மற்றும் உம்ரான் மாலிக் ஆகியோர் காயம் காரணமாக முதல் சுற்றில் இருந்து விலகியுள்ளனர். சிராஜுக்கு பதிலாக நவ்தீப் சைனியும் உம்ரான் மாலிகுக்கு பதிலாக கௌரவ் யாதவும் விளையாடுவார்கள் என்று அறிவிக்கப்பட்டுள்ளது.
அதேபோல் ஜடேஜாவும் விலகியுள்ளார். ஆனால், ஜடேஜா விலகியதற்கான காரணம் அறிவிக்கப்படவில்லை. மேலும், அவருக்குப் பதிலாக மாற்று வீரரும் அறிவிக்கப்படவில்லை.
