ஜம்மு காஷ்மீரின் குப்வாரா மாவட்டம் மற்றும் பந்திபோராவில் இன்று (நவ.6) காலை, பாதுகாப்புப் படையினருக்கும், தீவிரவாதிகளுக்கும் இடையே நடைபெற்ற துப்பாக்கிச் சூட்டில் ஒரு தீவிரவாதி கொல்லப்பட்டார்.
குப்வாரா மாவட்டத்தின் மார்கி, லோலாப், குப்வாரா நகரம் ஆகிய பகுதிகளில் தீவிரவாதிகள் சிலர் பதுங்கியிருப்பதாக நேற்று (நவ.5) பாதுகாப்புப் படையினருக்கு நுண்ணறிவுத் தகவல் கிடைத்தது. இதன் அடிப்படையில் இந்திய ராணுவமும், ஜம்மு காஷ்மீர் காவல்துறையினரும் இணைந்து தீவிரவாதிகளுக்கு எதிராக அந்தப் பகுதிகளில் இன்று துப்பாக்கிச்சூடு மேற்கொண்டு வருகின்றனர்.
அத்துடன் ஸ்ரீ நகருக்கு வடக்கே உள்ள பந்திபோராவில் ஒட்டியுள்ள கைஸ்தான் காட்டுப் பகுதியில் தீவிரவாதிகளின் நடமாட்டம் இருப்பதாக பாதுகாப்புப் படையினருக்கு நேற்று காலை நுண்ணறிவுத் தகவல் கிடைத்துள்ளது.
இதை அடுத்து, இந்திய ராணுவம், ஜம்மு காஷ்மீர் காவல்துறையினர் மற்றும் மத்திய ரிசர்வ் காவல் படையினர் இணைந்து கைஸ்தான் காட்டுப் பகுதியில் பதுங்கியிருந்த தீவிரவாதிகள் மீது நேற்று தாக்குதலை தொடங்கினர். பல மணிநேரம் தொடர்ந்த இந்த தாக்குதலில் பாதுகாப்புப் படையினரால் ஒரு தீவிரவாதி சுட்டுக்கொல்லப்பட்டுள்ளார்.
மேலும், நேற்று ஜம்மு-காஷ்மீரின் சோபோர் பகுதியில் வைத்து ஆஷிக் ஹூசைன் வானி என்கிற தீவிரவாதியை ஜம்மு காஷ்மீர் காவல்துறையினரும், மத்திய ரிசர்வ் காவல் படையினரும் சுற்றி வளைத்துள்ளனர்.