அமெரிக்க அதிபர் தேர்தல் வாக்கு எண்ணிக்கையில், குடியரசுக் கட்சி வேட்பாளரும், முன்னாள் அமெரிக்க அதிபருமான டொனால்ட் டிரம்ப் பெரும்பான்மையை நெருங்கியுள்ளார். இதன்மூலம் அமெரிக்காவின் 47-வது அதிபராக டொனால்ட் டிரம்ப் பதவியேற்பது உறுதியாகியுள்ளது.
இந்நிலையில் டிரம்புக்கு பிரதமர் மோடி வாழ்த்து தெரிவித்துள்ளார்.
இது தொடர்பான எக்ஸ் பதிவில்: “தேர்தலில் வரலாற்று வெற்றியை பெற்றுள்ள எனது நண்பர் டிரம்புக்கு வாழ்த்துகள். முந்தைய ஆட்சிக் காலத்தின் வெற்றிகளைக் கட்டியெழுப்பியுள்ளீர்கள். இந்தியா - அமெரிக்கா இடையிலான விரிவான உலகளாவிய கூட்டாண்மையை மேலும் வலுப்படுத்த நாம் மீண்டும் இணைந்து செயல்படுவதை எதிர்நோக்கி இருக்கிறேன். நாம் ஒன்றாக இணைந்து உலகளாவிய அமைதிக்காகவும், மக்களின் முன்னேற்றத்திற்காகவும் பணியாற்றுவோம்” என்று பிரதமர் மோடி தெரிவித்துள்ளார்.