பாரிஸ் பாராலிம்பிக்ஸை 29 பதக்கங்களுடன் இந்தியா நிறைவுசெய்யவுள்ளது.
2024 பாராலிம்பிக் போட்டிகள் ஆகஸ்ட் 28 அன்று தொடங்கியது.
இந்நிலையில் பாராலிம்பிக்ஸ் இன்று நிறைவடையவுள்ள நிலையில் பதக்கப் பட்டியலில் இந்தியா 7 தங்கம், 9 வெள்ளி, 13 வெண்கலம் என மொத்தம் 29 பதக்கங்களுடன் பதக்கப் பட்டியலில் 18-வது இடத்தில் உள்ளது.
இதன் மூலம் இந்தியாவுக்கு அதிக பதக்கங்களை வென்ற பாராலிம்பிக்ஸ் போட்டியாக இது அமைந்துள்ளது.
முன்னதாக, 2020 பாராலிம்பிக்ஸில் இந்தியா 5 தங்கம், 8 வெள்ளி, 6 வெண்கலப் பதக்கங்கள் என மொத்தம் 19 பதக்கங்களை வென்று சாதனை படைத்திருந்தது.
இந்நிலையில் அந்த சாதனையை இந்த பாராலிம்பிக்ஸில் முறியடித்தது இந்தியா.
பாராலிம்பிக்ஸின் நிறைவு விழா இன்று இரவு 11 மணிக்கு நடைபெறுகிறது.