பாராலிம்பிக்ஸ் பாட்மிண்டன்: வெண்கலப் பதக்கத்தை வென்ற தமிழக வீராங்கனை!

பாராலிம்பிக்ஸ் மகளிருக்கான பாட்மிண்டன் ஒற்றையர் பிரிவில் தமிழக வீராங்கனை நித்யஸ்ரீ வெண்கலப் பதக்கத்தை வென்றுள்ளார்.

2024 பாராலிம்பிக் போட்டிகள் ஆகஸ்ட் 28 அன்று தொடங்கியது.

இந்நிலையில் நேற்று நடைபெற்ற மகளிருக்கான பாட்மிண்டன் ஒற்றையர் எஸ்ஹெச் 6 பிரிவின் 3-வது இடத்துக்கான ஆட்டத்தில் தமிழகத்தைச் சேர்ந்த நித்யஸ்ரீ 21-14, 21-6 என்ற கணக்கில் வெற்றி பெற்றார். இதன் மூலம் இந்தியாவுக்கு வெண்கலப் பதக்கம் கிடைத்தது.

அதேபோல் வில்வித்தை கலப்பு இரட்டையர் பிரிவில் இந்தியாவின் ராகேஷ் குமார் - ஷீத்தல் தேவி ஜோடி 156-155 என்ற புள்ளிகள் கணக்கில் இத்தாலி அணியை வீழ்த்தி வெண்கலப் பதக்கம் வென்றது.

இந்தியா இதுவரை 3 தங்கம், 5 வெள்ளி, 7 வெண்கலம் என மொத்தம் 15 பதக்கங்களை வென்று பதக்கப் பட்டியலில் 15-வது இடத்தில் உள்ளது.