மும்பை இந்தியன்ஸ் அணியின் தலைமைப் பயிற்சியாளர் அறிவிப்பு!

மும்பை இந்தியன்ஸ் அணியின் தலைமைப் பயிற்சியாளராக ஜெயவர்தனே நியமிக்கப்பட்டுள்ளார்.

ஐபிஎல் 2025-2027 பருவத்துக்கான புதிய விதிமுறைகளை பிசிசிஐ கடந்த செப். 29 அன்று வெளியிட்டது. இதில், தக்கவைத்தல், ஆர்டிஎம் முறைகளில் ஓர் அணி அதிகபட்சம் 6 வீரர்களைத் தக்கவைத்துக் கொள்ளலாம் என்றும், அதில் அதிகபட்சமாக 5 சர்வதேச அனுபவம் கொண்ட வீரர்களையும் (உள்நாடு & வெளிநாடு), அதிகபட்சமாக இரு சர்வதேச அனுபவம் இல்லா வீரர்களையும் தக்கவைத்துக் கொள்ளலாம் என்றும் அறிவிக்கப்பட்டது.

மேலும், ஐபிஎல் அணிகள் தாங்கள் தக்கவைக்கும் வீரர்களின் விவரங்களை அக்டோபர் 31-க்குள் சமர்ப்பிக்க வேண்டும் என்றும் அறிவிக்கப்பட்டது.

இந்நிலையில் மும்பை இந்தியன்ஸ் அணியின் தலைமைப் பயிற்சியாளராக ஜெயவர்தனே நியமிக்கப்பட்டுள்ளார்.

ஏற்கெனவே, 2017 முதல் 2022 வரை மும்பை இந்தியன்ஸ் அணியின் தலைமைப் பயிற்சியாளராக மஹேலா ஜெயவர்தனே செயல்பட்டார். இதன் பிறகு 2022-ல் மும்பை அணியின் உலகளாவிய வளர்ச்சித் திட்டங்களின் தலைவராக ஜெயவர்தனே நியமிக்கப்பட்டார்.

முன்னதாக, 2023, 2024 ஐபிஎல் போட்டிகளில் மும்பை இந்தியன்ஸ் அணியின் தலைமைப் பயிற்சியாளராக மார்க் பௌச்சர் செயல்பட்டார். 2023-ல் பிளே ஆஃப் வரை சென்ற மும்பை அணி, கடந்த ஆண்டு லீக் சுற்றுடன் வெளியேறியது.