இங்கிலாந்திடம் மீண்டும் தடுமாறும் நியூசிலாந்து!

இந்தியாவில் அட்டகாசமாக விளையாடிய நியூசிலாந்து அணி, சொந்த மண்ணில் இங்கிலாந்துக்கு எதிராகத் தடுமாறி வருகிறது.

நியூசிலாந்துக்கு எதிரான முதல் டெஸ்டில் வெற்றி பெற்ற இங்கிலாந்து அணி, வெலிங்டனில் நடைபெற்று வரும் 2-வது டெஸ்டையும் வென்று தொடரை வெல்லும் நிலைமையில் உள்ளது.

டாஸ் வென்ற நியூசிலாந்து ஃபீல்டிங்கைத் தேர்வு செய்தது. இங்கிலாந்து அணி முதல் இன்னிங்ஸில் 5 ரன்ரேட்டுடன் 280 ரன்கள் எடுத்தது. அதிரடியாக விளையாடிய ஹாரி புரூக் 115 பந்துகளில் 5 சிக்ஸர்கள், 11 பவுண்டரிகளுடன் 123 ரன்கள் எடுத்தார். ஆலி போப் 66 ரன்கள் எடுத்தார்.

நியூசிலாந்து தரப்பில் நேதன் ஸ்மித் 4 விக்கெட்டுகளையும் வில் ஓ ரோர்க் 3 விக்கெட்டுகளையும் வீழ்த்தினர்.

பிறகு நியூசிலாந்து அணியை 125 ரன்களுக்குச் சுருண்டது. வில்லியம்சன் 37 ரன்கள் எடுத்தார். அட்கின்சன் ஹாட்ரிக்குடன் 4 விக்கெட்டுகள் எடுத்தார். முதல் இன்னிங்ஸில் இங்கிலாந்து அணி 155 ரன்கள் முன்னிலை பெற்றது.

2-வது இன்னிங்ஸிலும் வேகமாக ரன்கள் எடுக்கும் இங்கிலாந்து 2-வது நாள் முடிவில், 76 ஓவர்களில் 5 விக்கெட் இழப்புக்கு 378 ரன்கள் எடுத்தது. பென் டக்கெட் 92, ஜகோப் பெதெல் 96 ரன்களும் எடுத்தார்கள். 533 ரன்கள் முன்னிலை பெற்று பலமான நிலையில் உள்ளது இங்கிலாந்து.

நியூசிலாந்து ஏதாவது சாகசம் செய்து தோல்வியிலிருந்து தப்புமா?