ரூ. 7581 கோடி மதிப்பிலான இரண்டாயிரம் ரூபாய் நோட்டுகள் இன்னும் மக்களிடம் புழங்குவதாக ரிசர்வ் வங்கி தெரிவித்துள்ளது.
இரண்டாயிரம் ரூபாய் நோட்டுகளை திரும்பப் பெறுவதாக ரிசர்வ் வங்கி கடந்த ஆண்டு மே 19 அன்று அறிவித்திருந்தது.
இதைத் தொடர்ந்து 2023 அக்டோபர் 7-ம் தேதிக்குள் இரண்டாயிரம் ரூபாய் நோட்டுகளை ஆர்பிஐ-யின் கிளை அலுவலகத்தில் செலுத்தி, மாற்றிக் கொள்ளலாம் எனவும் அறிவிக்கப்பட்டது. தபால் வாயிலாகவும் இரண்டாயிரம் ரூபாய் நோட்டுகள் பெறப்பட்டது.
இந்நிலையில் ஒட்டுமொத்தமாக இரண்டாயிரம் ரூபாய் நோட்டுகளில் 97.87% வங்கிகளுக்குத் திரும்பிவிட்டதாகவும், ரூ. 7581 கோடி (2.1 சதவீதம்) மதிப்பிலான இரண்டாயிரம் ரூபாய் நோட்டுகள் இன்னும் மக்களிடம் இருப்பதாகவும் ரிசர்வ் வங்கி தெரிவித்துள்ளது.